قبل لا توقع عقد التخزين .. هذى 9 أسئلة لازم تسألها
س1: هل المستودع مكيّف وتحت درجة حرارة معيّنة؟
إيه نعم، مستودعاتنا مكيّفة بالكامل، ودرجة الحرارة فيها تتراوح بين 18 إلى 25 درجة مئوية، حسب اشتراطات هيئة الغذاء والدواء السعودية (SFDA). هالشي مهم جداً، خصوصًا إذا كنت تخزن مستحضرات تجميل أو أغذية تحتاج بيئة مستقرة وآمنة.
س2: هل أقدر أستخرج رخصة من الهيئة إذا تعاقدت معكم؟
أكيد، وإحنا نساعدك فيها من الألف للياء. بمجرد توقيع العقد، نبدأ فوراً بإجراءات استخراج رخصة SFDA للمنتجات الغذائية أو مستحضرات التجميل. تقدر تعتمد علينا في هالنقطة.
س3: كم المدة اللي تحتاجونها لاستخراج التصاريح ؟
خلال ٣ إلى ٥ أيام عمل بالكثير، تكون جاهزة إن شاء الله. إحنا نشتغل بسرعة وبتركيز لأننا نعرف إن وقتك مهم.
س4: وش أنظمة التخزين اللي عندكم؟
عندنا نظامين رئيسية:
- تأجير مساحات مستقلة، يعني غرفة خاصة لك، مفتاحها معك، ولا أحد يشاركك فيها.
- التخزين على طبلية (محدودة)، لكن بصراحة الأغلب يفضّل الغرف المستقلة لأنها تعطي راحة وخصوصية.
س5: هل تقدمون خدمات إضافية؟
إيه، عندنا خدمات تغليف وتجهيز المنتجات للشحن، ونقدر نسلمها لمندوب الشحن مباشرة من عندنا. لكن التوصيل والشحن نفسه يكون من جهة العميل.
س6: وش مفهوم التخزين بالنسبة لكم؟
التخزين عندنا مو بس “مكان تحط فيه بضاعتك”. إحنا نشوفه كجزء من نجاح مشروعك. نوفر بيئة آمنة، نظيفة، ومجهزة حسب المواصفات، ونشيل عنك هم التنظيم والمتابعة.
س7: وش الفرق بين المخازن العادية والمخازن الذكية؟
المخازن الذكية زي مخازننا تعتمد على:
- رقابة مستمرة 24 ساعة
- بيئة مناسبة للمنتج
- إجراءات واضحة وموثوقة
- دعم إداري لتسهيل الإجراءات
أما المخازن العادية؟ كثير منها يفتقر للترخيص أو المتابعة، وهذا خطر كبير على بضاعتك وثقة عملاءك.
س8: هل تساعدون في استخراج تراخيص هيئة الغذاء والدواء، وتوفرون خيارات دفع؟
نعم، إحنا نسهّلها عليك، نخلص تصاريح الهيئة، ونوفر خيارات دفع مرنة: شهري، كل ٦ شهور، أو سنوي. كل عميل وله ظروفه، وحنا نفهم هالشي.
س9: وش شروط هيئة الغذاء والدواء للمخازن الذكية؟
SFDA تشترط:
- درجة حرارة بين 18-25
- أرضيات إيبوكسي مقاومة للغبار
- مراقبة أمنية 24 ساعة
- وجود رخصة للمستودع
- مساحة لا تقل عن 10 متر لمستحضرات التجميل و20 متر للأغذية
مستودعاتنا مطابقة لها بالكامل.
لو ودك تبدأ، خلنا نسمع منك اليوم.
الكاتبة : ندي مصطفي
